Ministri i Financave Petrit Malaj ka bërë me dije se gjatë periudhës 2027-2029 është parashikuar një rritje mesatare ekonomike me rreth 4%.

Në një deklaratë për media pas mbledhjes së qeverisë, Malaj u shpreh se për të njëjtën periudhë është parashikuar që të ardhurat të jenë rreth 500 milionë euro më shumë çdo vit.

“Gjatë periudhës 2027-2029 ne kemi parashikuar rritje mesatare ekonomike me rreth 4%

Ndërkohë që të ardhurat që parashikojmë për të njëjtën periudhë janë rreth 500 mln euro më shumë çdo vit. Kjo përkthehet me një rritje me rreth  10% të rritjes së shpenzimeve në bujqësi, shëndetësi, arsim dhe kështu me radhë”, deklaroi Malaj.

Ministri theksoi se përmes rritjes së hapësirave që qeveria ka krijuar “jemi në linjë për të përmbushur detyrimet që kemi në lidhje me mbrojtjen për të arritur tragetin që duhet të kapin 3.5% të GDP apo PBB si shpenzime për mbrojtjen”.

/rtsh.al/