NBA/ Steve Kerr në histori, 600 fitore në karrierë në sezonin e rregullt

Sport | 8 muaj më parë

Trajneri i Golden State Warriors kishte një arsye të fortë për të festuar mbrëmjen e kaluar kur ekipi i tij arriti të thyente Washington-in për të marrë kështu fitoren e parë pas pesë humbjesh radhazi.

Edhe pse skuadra nga San Francisco nuk pretendon shumë nga ky sezon pas dëmtimit të Jimmy Buttler mendohet se do të jetë një kandidate e fortë për të kaluar në play-off nëpërmjet takimit të play-in.

Triumfi përballë Wizards ishte i 600 në karrierë për Steve Kerr, i cili ka arritur këtë shifër në 943 ndeshje. Vetëm tre trajnerë kanë mundur që të fitojnë kaq shumë duele në më pak ndeshje: Gregg Popovich (600 fitore në 887 takime); Pat Riley (600 fitore në 832 ndeshje) dhe Phil Jackson (600 fitore në 805 ndeshje).

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.