Inter Miami nderon Messin, një tribunë në stadiumin e ri do mbajë emrin e yllit argjentinas

Futboll Bota | 7 muaj më parë

Kur të zbresë në fushë të shtunën, më 4 prill, kundër Austin FC në “Nu Stadium”, Lionel Messi do të përjetojë një emocion të veçantë: një nga tribunat e stadiumit do të mbajë emrin e tij.

Inter Miami, ku 38-vjeçari argjentinas mbërriti në verën e vitit 2023, ka vendosur të emërojë një pjesë të stadiumit të ri me 26,700 vende sipas emrit të tij.

Që nga mbërritja e tij, Messi ka bërë histori për ekipin, duke shënuar 82 gola dhe duke dhënë 53 asiste. Nën drejtimin e tij, Inter Miami ka fituar tashmë një Kupë të Ligës dhe një kampionat të MLS.

Ish-lojtari i Barcelonës – të cilit Newell’s Old Boys i dha emrin edhe një tribune në qershor 2025 – ishte gjithashtu lojtari i parë në historinë e ligës amerikane që fitoi çmimin MVP për dy vite radhazi.

Inter Miami

Messi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.