Çmimi i karburanteve në vend ka ndryshuar këtë të mërkurë (22 prill), pas vendimit të marrë nga Bordi i Transparencës në mbledhjen e radhës. Sipas vendimit, çmimi i shitjes me pakicë i naftës të jetë jo më shumë se 202 lekë/litër, ndërsa çmimi i shitjes me shumicë jo më shumë se 190 lekë/litër. Për benzinën, çmimi i pakicës është vendosur 176 lekë/litër, ndërsa i shumicës 164 lekë/litër.

Përpara këtij vendimi, çmimi naftës ishte 197 lekë/litër, ndërsa i benzinës 172 lekë/litër.

Çmimet e reja do të hyjnë në fuqi sot, më 22 Prill 2026, ora 12:30, dhe do të mbeten të vlefshme deri në mbledhjen e ardhshme të bordit, ku do të përcaktohen ndryshimet e reja në çmime.

Bordi ka theksuar se çdo operator i shitjes me shumicë dhe pakicë ka detyrimin të zbatojë këtë vendim, ndërsa shkeljet do të përballen me masa, përfshirë pezullimin e aktivitetit.

Vendimi:

Bordi i Transparencës në datë 22 Prill 2026, në mbledhjen e radhës vendosi:

Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 202 lekë/litri, ndërsa i shitjes me shumicë jo më shumë se 190 lekë/litër.

Çmimi i shitjes me pakicë i nënproduktit benzinë e standardit SSH EN  të  jetë jo më shumë se 176 ekë/litri,ndërsa i shitjes me shumicë jo më shumë se 164 lekë/litër.

Çmimet e caktuara nga Bordi do të hynë në fuqi sot datë 22 ora  12.30 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

🛢 Ministria e Ekonomisë dhe Inovacionit sëbashku me Ministrinë e Financave dhe Ministirinë e Infrastrukturës dhe Energjisë  janë angazhuar të mbrojnë interesat e konsumatorëve shqiptarë dhe ruajtjes së parimeve të konkurencës së ndershme në treg.

SQARIM: Referuar Aktit Normativ nr. 1, Datë 3.4.2026 “Për një shtesë në ligjin nr. 61/2012, “Për akcizat në Republikën e Shqipërisë,” të ndryshuar, ku është parashikuar, se në rast se çmimi i shitjes me pakicë, për gazoili është më i lartë se 220 lek/litri, apo për benzinën është më i lartë se 200 lek/litri, zbatohet niveli 80% i akcizës. Bazuar në zbatimin e metodologjisë per llogaritjen e cmimeve tavan te shitjes me pakice, çmimet janë nën kufirin e Aktit Normativ nr. 1, datë 3.4.2026, dhe për rrjedhojë niveli i akcizës do të zbatohet i plotë, 100%.

/rtsh.al/