Kryeministri Edi Rama ka mbledhur këtë të shtunë, (20 qershor), Grupin Parlamentar të Partisë Socialiste në një takim që po zhvillohet në Pallatin e Brigadave.

Sipas raportimit të gazetares së RTSh-së, Denada Shkodrani, në rendin e ditës janë përfshirë disa çështje të rëndësishme që lidhen me prioritetet e qeverisë.

Një nga temat kryesore është avancimi i procesit të negociatave për anëtarësimin e Shqipërisë në Bashkimin Evropian, me synimin për mbylljen e grupeve të kapitujve negociues deri në fund të vitit 2027.

Ndër çështjet më të ndjeshme që pritet të diskutohen janë edhe protestat e zhvilluara ditët e fundit në Tiranë lidhur me investimet dhe projektet e planifikuara në zonën e Zvërnec.

 “Ka nisur ky takim në këto momente në Pallatin e Brigadave dhe do të jetë fjala e kryeministrit Edi Rama që pritet të transmetohet live. Janë disa çështje të rëndësishme në rendin e ditës në takimin e përmuajshëm të vendosur të paktën që prej fillimit të vitit nga Rama dhe përkon me ambicien që qeveria shqiptare ka për mbylljen e negociatave të anëtarësimit të grup kapitujve në fund të 2027 dhe këto mes qeverisë dhe Grupit parlamentar por gjithashtu edhe përfaqësuesit e institucioneve që varen drejtpërdrejtë nga Këshilli i Ministrave ti japë një shtysë procesit të këtyre negociatave që janë prioriteti i qeverisë. Dua të theksoj që janë disa çështje por ajo që është më sensitive janë protestat disa ditore në Tiranë siç është çështja e investimeve dhe [projekteve që parashikohet të marrin jetë në zonën e Zvërnecit”, u shpreh Shkodrani.

/rtsh.al/