Aksident tragjik në autostradën e Mirditës, humb jetën në spital 38-vjeçari nga Kosova

Aktualitet | 3 muaj më parë

Një aksident me pasojë vdekjen ka ndodhur mbrëmjen e sotme, rreth orës 20:00, në autostradë, në afërsi të fshatit Fan të Mirditës.

Sipas të dhënave paraprake nga policia, shtetasi kosovar me iniciale L. D., 38 vjeç, duke drejtuar motomjetin e tij, dyshohet se ka humbur kontrollin mbi timon dhe për pasojë mjeti ka dalë nga rruga.

Si pasojë e plagëve të marra nga përplasja, 38-vjeçari është transportuar me urgjencë për ndihmë mjekësore në Spitalin e Rrëshenit. Pavarësisht ndërhyrjes dhe ndihmës së marrë nga bluzat e bardha, drejtuesi i motomjetit ka ndërruar jetë në spital.

Në vendngjarje ka mbërritur menjëherë grupi hetimor, i cili po kryen veprimet procedurale dhe po punon për sqarimin e plotë të rrethanave e shkaqeve të këtij aksidenti tragjik.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.