UEFA Nations League, Kombëtarja mbërrin në Helsinki

Kombëtarja | 2 orë më parë

Kombëtarja shqiptare ka mbërritur në Helsinki, ku të shtunën do të luajë ndeshjen e radhës në UEFA Nations League ndaj Finlandës.

Pasditen e sotme, kuqezinjtë udhëtuan nga Cesena drejt Helsinkit dhe, pas mbërritjes në Finlandë, ekipi u akomodua menjëherë në hotel.

Ditën e nesërme, trajneri i Kombëtares, Rolando Maran, së bashku me një lojtar, do të dalë në konferencën për shtyp në stadiumin ku do të zhvillohet ndeshja. Konferenca për media do të nisë në orën 14:00.

Pas përfundimit të konferencës, ekipi kuqezi do të zhvillojë seancën e fundit stërvitore në “Helsinki Olympic Stadium”, ku do të mbyllë përgatitjet për sfidën me Finlandën.

Konferenca do të transmetohet drejtpërdrejt në kanalin zyrtar të FSHF në YouTube dhe në FSHF TV.

Ndeshja Finlandë – Shqipëri do të luhet më 3 tetor, në “Helsinki Olympic Stadium”, në orën 15:00.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.