Sulm me mjete zjarrvënëse në zyrat e Komisariatit Nr. 3, efektivë të lënduar dërgohen me urgjencë në spital

Aktualitet | 1 orë më parë

Përshkallëzohen sërish aktet e dhunshme gjatë protestave në kryeqytet, ku objekt sulmi është bërë godina e Komisariatit Nr. 3 të Policisë, e vendosur në zonën e rrugës “Mine Peza” në Tiranë.

Mjetet zjarrvënëse të hedhura nga protestuesit kanë shkaktuar vatër zjarri në një nga ambientet e brendshme të këtij institucioni. Sipas pamjeve të siguruara nga vendngjarja, flakët kanë përfshirë fillimisht njërën prej zyrave të komisariatit, çka ka kërkuar ndërhyrjen e menjëhershme të shërbimeve zjarrfikëse, të cilat kanë bërë të mundur vënien e situatës nën kontroll.

Gjatë këtij incidenti janë regjistruar edhe të lënduar mes radhëve të uniformave blu. Disa efektivë policie kanë marrë lëndime në vendngjarje dhe, pasi u është dhënë ndihma e parë, janë dërguar me urgjencë drejt spitalit” për të marrë trajtimin e nevojshëm mjekësor.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.