Ekstradohet nga Italia Gjovalin Lesi i dënuar me burgim të përjetshëm për vrasje të dyfishtë.

Përmes bashkëpunimit mes Interpol Tiranës dhe homologëve të tyre në Romë, është finalizuar procedura për ekstradimin në Shqipëri të 56-vjeçarit,i dënuar më 1998 nga Gjykata e Mirditës me burgim të përjetshëm, pasi më 1997 vrau me kallashnikov motrën dhe bashkëshortin e saj.

“Si rezultat i koordinimit të punës ndërmjet specialistëve të Interpol Tiranës dhe homologëve të tyre në Romë, u finalizua procedura për ekstradimin në Shqipëri, të shtetasit Gjovalin Lesi, 56 vjeç, i lindur në Lezhë.

Në vitin 1998, Gjykata e Mirditës e ka dënuar këtë shtetas, me burgim të përjetshëm, për veprat penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe municionit”.

Në vitin 1997, shtetasi Gjovalin Lesi, pas një konflikti për motive të dobëta, në fshatin Rrasfik, Rubik, vrau me armë zjarri kallashnikov, motrën dhe bashkëshortin e saj”, thuhet në njoftim.

/rtsh.al/