Adeyemi tek Interi në janar, dhuratë speciale për trajnerin Chivu

Futboll Bota | 12 muaj më parë

Zëra nga Gjermania, konkretisht nga tabloidi “Bild”, flasin për një kalim të mundshëm të Karim Adeyemi tek Interi në merkaton e janarit. Sulmuesi anësor i Borussia Dortmund në të kaluarën ka qenë shumë afër Juventusit, në kohën kur në stolin bardhezi sapo ishte ulur Thiago Motta.

Drejtuesit e Interit janë të vendosur për t’i dhuruar trajnerit Cristian Chivu një sulmues anësor të shpejtë, në gjendje të krijojë rrezik edhe duke ndërtuar lojën i vetëm. Një profil i ngjashëm me atë të Lookman.

Këto karakteristika Adeyemi i ka dhe do të ishte një përforcim i rëndësishëm për Interin. Problem mund të jenë bisedimet me Borussia-n, sepse drejtuesit e klubit gjerman nuk i lëshojnë kurrë lehtë “xhevahiret” e tyre, siç është Adeyemi.

Interi ka filluar lëvizjet që tani, sepse për sulmuesin gjerman është futur në garë edhe Manchester United.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.