Aksident pranë Spitalit Memorial në Fier, plagoset një pasagjer

Aktualitet | 35 minuta më parë

Një aksident rrugor është regjistruar në orët e para të mëngjesit të sotëm, rreth orës 04:30, pranë Spitalit Memorial në Fier.

Në aksident janë përfshirë dy automjete, një tip “Audi”, me drejtues shtetasin me iniciale G. Ç., dhe një tip “Benz”, me drejtues shtetasin me iniciale A. S., të cilat janë përplasur me njëra-tjetrën.

Si pasojë e përplasjes, ka mbetur i lënduar pasagjeri që udhëtonte në automjetin tip “Audi”. Ai është transportuar drejt Spitalit Rajonal Fier, ku po merr ndihmën mjekësore dhe ndodhet jashtë rrezikut për jetën.

Menjëherë pas ngjarjes, në vendin e aksidentit kanë mbërritur shërbimet e Policisë dhe grupi hetimor, të cilët po punojnë për zbardhjen e rrethanave dhe përcaktimin e shkaqeve të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.