Bajerni i Mynihut nuk ka ndër mend që të kalojë pa ngritur zërin dëmtimin e Alfonso Dejvis. Burime pranë klubit bavarez kanë bërë me dije për mediet gjermane se FIFA është e detyruar që ta kompensojë për dëmin me një shifër që arrin deri në 7.5 milionë euro.

Ndërsa po sot shefi i ekzekutivit i Bajernit, Jan-Kristian Dresen ka shkuar edhe më tutje duke pretenduar një shpjegim nga Federata Kanadeze e Futbollit, të cilën e ka kërcënuar me proces gjyqsor.

“Ne kemi të drejtë të kërkojmë që të hidhet dritë mbi atë çfarë ndodhi. Që të aktivizosh një lojtar, i cili ka ankuar dhimbje në një ndeshje pa asnjë vlerë në këndvështrimin tonë minimalisht është neglizhencë. Aktivizimi i Dejvisit edhe nga ana sportive nuk ka asnjë justifikim pasi Kanadaja nuk luantë për asgjë pasi si vend organizator është e kualifikuar në Kupën e Botës. Edhe për Foncin nuk mund të themi asgjë pasi ai ka luajtur pasi është kapiteni i skuadrës dhe si i tillë ka ndjerë përgjegjësi për të zbritur në fushë. Mendoj se grmbullimet e muajit mars në kombëtare janë me rrezik dhe ky aspekt duhet parë me kujdes”, tha Jan-Kristian Dresen.