Dhurata e veçantë nga luftëtari i UÇK-së Rexhep Selimi, Edi Rama e falënderon publikisht

Politikë | 2 vite më parë

Kryeministri i Shqipërisë Edi Rama, ka zbuluar dhuratën e veçantë që ka marr nga ish-deputeti Rexhep Selimi.

Rexhep Selimi, i cili gjendet në Hagë në kuadër të një procesi gjyqësor të Speciales, i përcolli këtë dhuratë Ramës përmes kryetarit të Kuvendit, Glauk Konjufca.

“I prekur nga kjo dhuratë e bukur prej koleksionit të pikturave të luftëtarit të UÇK-së Rexhep Selimi, i cili ma përcolli sot nga Haga përmes Kryetarit të Kuvendit të Kosovës”,tha Rama.

Ai e falënderoi Selimin duke e quajtur i dashur mik.

“Shumë faleminderit me mirënjohje i dashur mik, e mezi pres ta shoh të marrë fund kalvari, gjithnjë e më i pajustifikueshëm i mbajtjes së të katërve ju peng atje në Hagë”-përfundon mesazhin Rama.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.