Euroliga e refuzon për momentin ofertën e bërë nga NBA

Basketboll | 41 minuta më parë

Trembëdhjetë klubet e EuroLeague kanë refuzuar ofertën e NBA-së për të blerë kompeticionin.

Disa nga këto klube e kanë përshkruar ofertën si “të papranueshme” dhe “kolonialiste” ndërsa pronarë të tjerë besojnë se NBA duhet ta përmirësojë ndjeshëm ofertën e saj nëse dëshiron që negociatat të vazhdojnë.

Burimet e cituara nga “SDNA” thonë se Barcelona e konsideroi propozimin një “shaka”, ndërsa Real Madrid i dhë edhe 30 ditë kohë NBA-së që të paraqiste një ofertë të re.

Olympiacos ka kundërshtuar propozimin që në fillim, ndërsa Panathinaikos kërkoi të rinegocionte kushtet me NBA-në, duke shprehur mbështetje për konceptin e ri, një qëndrim i ngjashëm me atë të Fenerbahçes.

Ndërkohë, Armani Milan dhe Baskonia thuhet se mbështetën ofertën aktuale. A.V.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.