Familja elbasanase në “qiell të hapur”, pas djegies së banesës tre anëtarët kërkojnë ndihmë

Sociale | 2 vite më parë

Prej gati dy javësh tre pjesëtarët e familjes Karamuca në lagjen 5 maji të qytetit të Elbasanit jetojnë në qiell të hapur. Shkak është bërë defekti në bombulën e gazit, që pasditen e 3 dhjetorit do të shkrumbonte tërësisht brenda 20 minutash, banesën ku ata jetonin.

Fundviti për këtë familje është i trishtë, Karamuca shprehet mes lotësh se nuk ka asnjë mundësi për të gëzuar të birin 12 vjeçar i cili ende është i traumatizuar nga ngjarja. E pa punë për shkak se duhet të kujdeset për bashkëshortin dhe djalin e sëmurë, ajo bën apel për ndihmë.

Sipas burimeve zyrtare nga Emergjencat civile si dhe kryetari i njësisë administrative nr 6, do të ndërhyet pasi të vlerësohet dëmi i shkaktuar duke i ofruar ndihmë familjes.

Gazetar: Enes Molla

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.