Festat e fundvitit në shkolla, nxënësit festojnë me programe artistike dhe urime

Aktualitet | 11 muaj më parë

Nxënësit e shkollave të qytetit i kanë dhënë ngjyra dhe gjallëri festave të fundvitit përmes aktiviteteve festive dhe programeve artistike me këngë e kërcime.

Ne jemi ndalur në klasën e tretë të shkollës “Pandeli Cale”, ku fëmijët, përmes interpretimit dhe fjalëve të tyre, kanë përcjellë gëzimin e këtyre ditëve dhe kanë uruar festat për bashkëmoshatarët e tyre.

Atmosfera festive është ndjerë edhe në shkollën “Stavri Themeli”, ku nxënësit e klasës së parë janë argëtuar në praninë e Babagjyshit të Vitit të Ri, duke shkëmbyer dhurata mes njëri-tjetrit dhe duke përjetuar emocionet e para të festave.

Aktivitetet e organizuara kanë sjellë buzëqeshje dhe emocione pozitive, duke e kthyer shkollën në një hapësirë feste dhe urimi në prag të ndërrimit të viteve.

Gazetare Eftjola Fili

/rtsh.al/

femijet

festat

Viti i Ri

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.