Festat e fundvitit, nis fluksi i udhëtarëve në tragetet e linjës Itali-Vlorë

Aktualitet | 2 vite më parë

Afrimi i festave të fundvitit sjell edhe kthimin në atdhe të shqiptarëve që jetojnë në Itali, por që kanë vendosur që festimet ti realizojnë te familjet e tyre në qytete të ndryshme të Shqipërisë.

Rreth 2 mijë pasagjerë mbërritën të dielën në portin e Vlorës, një shifër që për autoritetin portal aty shënohet gjatë sezonit të Verës ose fundvit.

Agron Brati, përfaqësues i kompanisë së trageteve tha se fluksi i pasagjerëve do të vijojë të rritet edhe gjatë javës së ardhshme.

“Në vazhdim kështu pritet të jetë situata. Priten më shumë emigrantë të mbërrijnë në Portin e Vlorës”, tha Brati.

Të dhënat flasin se edhe rezervimet për kalimin e festave në vente të ndryshme janë të larta, ndërsa ë pesë ditët e fundit të vitit ato pritet që të shumëfishohen.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.