Gjendet pas tre orësh kërkime shtetasi amerikani i humbur në Bristan, transportohet drejt Vlorës

Aktualitet | 59 minuta më parë

Një shtetas amerikan është gjetur mbrëmjen e djeshme (12 tetor) në zonën e Bristanit, pasi kishte pësuar dëmtime në këmbë dhe kishte humbur orientimin.

Sipas informacionit paraprak, operacioni i kërkim-shpëtimit nisi rreth orës 18:00, me angazhimin e forcave të Njësisë Speciale Delta. Pas rreth tre orësh kërkimesh, në orën 20:45, u bë e mundur gjetja e shtetasit amerikan.

Pas lokalizimit, ai nisi të transportohej drejt Vlorës, ku do t’i nënshtrohet një kontrolli mjekësor. Sipas të dhënave paraprake, gjendja e tij shëndetësore paraqitet e mirë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.