Rektorja e Kolegjit të Evropës Federica Mogherini, Stefano Sannino dhe Cesare Zegretti janë liruar gjatë natës pasi u morën në pyetje nga Policia Federale e Flandrës Perëndimore në kuadër të hetimit për skandalin e dyshuar mbi financimin e diplomatëve të rinj evropianë. Lajmi u konfirmua nga Zyra e Prokurorit Publik Evropian (EPPO), e cila po drejton procedurat.

Sipas EPPO-s, ndaj tyre rëndojnë akuza të mundshme për mashtrim, korrupsion në prokurime, konflikt interesi dhe shkelje të sekretit profesional. Megjithatë, ata u lanë të lirë pasi autoritetet nuk i konsideruan “rrezik për arratisje”.

Të tre personat u njoftuar zyrtarisht mbi akuzat që u atribuohen, ndërsa Zyra e Prokurorit Publik Evropian theksoi se “të gjithë individët supozohen të pafajshëm derisa fajësia e tyre të vërtetohet nga gjykatat kompetente belge”.

Policia belge bastisi dje (2 dhjetor) zyrat e Shërbimit Evropian të Veprimit të Jashtëm në Bruksel dhe ndërtesa të Kolegjit të Evropës në Bruges, si pjesë e një hetimi për mashtrim. Bastisjet përfshinë edhe disa banesa private dhe tre persona u ndaluan për t’u marrë në pyetje. Ky program është zhvilluar gjatë viteve 2021 dhe 2022.

/rtsh.al/