Kategoria e Parë/ Skënderbeu përmbys Besën, Laçi dhe Pogradeci fitojnë në transfertë

Kategoria e Parë | 9 muaj më parë

Kanë përfunduar 5 sfidat e javës së 19-të të Kategorisë së Parë, që u luajtuën ditën e sotme. Skënderbeu ka mposhtur 3-2 me përmbysje Besën në supersfidën e javës në kampionat, ndeshje që u transmetua drejtpërdrejt në rrjetin e Radio Televizionit Shqiptar.

Laçi triumfon 2-1 në transfertë përballë Burrelit. Edhe Pogradeci merr një fitore të rëndësishme larg shtëpi, pasi fiton 4-2 në transfertë përballë Kastriotit. Korabi ka mposhtur 2-1 Ilirinë në Peshkopi, ndërsa Luftëtari ka fituar 3-1 derbin e mbijetesës përballë Kukësit.

Java e 19-të e Kategorisë së Parë mbyllet nesër me derbin Apolonia-Lushnja, që do të transmetohet drejtpërdrejt në RTSH.

Laçi

Pogradeci

Skënderbeu

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.