Kristi Qarri largohet nga Vllaznia, portieri mbyll bashkëpunimin me klubin shkodran

Abissnet Superiore | 10 muaj më parë

Vllaznia dhe Kristi Qarri ndërpresin me konsensus bashkëpunimin mes tyre. Klubi shkodran njofton se ka prishur para kohe kontratën me portierin. 25-vjeçari ka veshur gjatë gjithë karrierës së tij vetëm fanellën e Vllaznisë, që nga skuadrat e moshave deri tek ekipi i parë.

Portieri luajti si titullar në ndeshjet kundër Daugavpils në turin e parë të Conference League, por më pas humbi vendin e tij në skuadër.

“KF Vllaznia dëshiron të bëjë me dije se ka arritur akordin me futbollistin Kristi Qarri për ndërprerjen e parakohshme të kontratës dypalëshe. Klubi e falenderon atë për kontributin e dhënë gjatë këtyre viteve me fanellën kuqeblu dhe i uron suksese në karrierën e tij të mëtejshme”, shkruhet në njoftimin e klubit shkodran.

Kristi Qarri

vllaznia

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.