Laporta: Doja Lautaron me çdo kusht këtë verë, por Marotta më bllokoi

Futboll Bota | 48 minuta më parë

Këtë verë, Interi ishte shumë pranë humbjes së kapitenit të tij, Lautaro Martínez. Barcelona kishte vënë në shënjestër sulmuesin argjentinas si zëvendësues të Lewandowskit, por në fund nuk u arrit asgjë dhe “El Toro” qëndroi te zikaltërit.

Presidenti i Barcelonës, Joan Laporta, e konfirmoi këtë: “Është e vërtetë; e doja Lautaron me çdo kusht. Ai është një lojtar i jashtëzakonshëm dhe nuk donim ta linim. Kështu që, telefonova presidentin Marotta dhe ai më tha se lojtari nuk ishte në shitje,” – pranoi Laporta për “Corriere dello Sport”.

“Përveç kësaj, në çdo rast, nuk do t’i takonte lojtarit të vendoste nëse do të largohej apo jo, sepse Interi donte ta mbante. Kështu që, nga respekti për Beppen – të cilin e vlerësoj shumë – ne u ndalëm,” shtoi ai.

Laporta

lautaro martinez

marotta

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.