Evoluimi i ndjeshëm që ka pësuar ndër vite kënga shkodrane është padyshim i lidhur edhe me figurën e muzikantit, Luan Barova.

Më shumë se dy dekada kanë kaluar prej ndarjes nga jeta por gjurmët e tij ndihen kudo.

Bujar Qamili është këngëtari që ka bashkëpunuar më gjatë me të. Ai ka se çfarë të thotë e të ndajë me shikuesit sa i përket kujtimeve me mjeshtrin Luan Barova.

Si udhëheqës artistik, Barova pasuroi korpusin e këngës qytetare shkodrane, të Shqipërisë së Mesme dhe asaj nga Kosova, duke ruajtur të pastër melosin e tyre.

Shumë vite më parë do të realizohej edhe një dokumentar biografik mbi jetën e Luan Barovës.

Në vitet e aktivitetit të tij artistik si profesionist në Teatrin “Migjeni”, por edhe si Udhëheqës Artistik i Ansamblit të Këngëve dhe Valleve Popullore të Shqipërisë, Barova u kujdes për një muzikë më cilësore, autentike, më të pranishme e të dashur kudo, në mbrëmje familjare, skena, sheshe, dhe studio radiotelevizive në Shqipëri, Kosovë e kudo ku jetojnë shqiptarët.

Gazetar: Marjo Gjini

/rtsh.al/