Myrto Uzuni “fundos” Kartagjenën me tre gola

Spanjë | 2 vite më parë

Myrto Uzuni shkëlqen në Spanjë me tre gola të shënuar në fitoren 4-1 që Granada arriti përballë Kartagjenës.

Granada zgjidhi një lojë që ishte e komplikuar në fillim. Goli i Gastón i detyroi bardhekuqtë të riktheheshin në lojë dhe këtë e bënë falë instinktit të golashënuesit të tyre, Uzuni dhe golashënuesit debutues të skuadrës së të rinjve Rodelas, i cili përfundoi i dëmtuar.

Sulmuesi kuqezi shënoi dy gola në pjesën e parë, në të 14’ dhe 27’. Golin e tretë, që vulosi fitoren 4-1 e shënoi në minutën e 73-të, për të kompletuar një mbrëmje ëndrrash. Uzuni luajti deri në minutën e 81-të, ku u zëvendësua nga Corbeanu.

Në kuotën e 14 golave, ai është jo vetëm golashënuesi më i mirë i huaj në historinë e Granadas, por edhe më i miri i La Liga 2 në këtë sezon.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.