Policia e Shtetit ka bërë ndryshime në strukturat e saj drejtuese, me fokus në Departamentin e Krimit Ekonomik e Financiar dhe në drejtimin e policisë vendore në Fier. Lëvizjet vijnë si pjesë e një riorganizimi të vazhdueshëm për të rritur efikasitetin dhe për t’iu përgjigjur sfidave të reja të sigurisë.

Florjan Rrasa është emëruar drejtor për Hetimin e Krimit Ekonomik e Financiar në Drejtorinë e Përgjithshme të Policisë së Shtetit. Më parë ai ka mbajtur postin e shefit të sektorit për Hetimin e Mashtrimit Kompjuterik, në Drejtorinë për Hetimet e Krimeve Kibernetike.

Taulant Gjoka është emëruar zëvendësdrejtor për rendin në Drejtorinë Vendore të Policisë Fier.

Ky riorganizim shihet si pjesë e strategjisë së Policisë së Shtetit për të forcuar kapacitetet në hetimin e krimeve ekonomike dhe financiare, si dhe për të rritur kontrollin e rendit në nivel vendor.

/rtsh.al/