New York Knicks mundin San Antonio Spurs në finale dhe fitojnë Nba Cup

Basketboll | 11 muaj më parë

New York Knicks kanë fituar Nba Cup 2025, pasi kanë mundur në finale 124-113 San Antonio Spurs. Ndeshja u zhvillua në Las Vegas.

Pjesa më e madhe e lojës ishte e ekuilibruar dhe vetëm në fund Knicks kanë krijuar shkëputjen, të udhëhequr nga OG Anunoby, i cili realizoi 28 pikë, dhe nga Jalen Brunson, autor i 25 pikëve.

Vendimtar ishte edhe kontributi i Karl-Anthony Towns, që e mbylli ndeshjen me 16 pikë dhe 11 ribaunde, pavarësisht një dëmtimi në pulpë, që e limitoi disi. New York e ndërtoi suksesin, duke dominuar lojën poshtë koshit, me një 59-42 në llogaritë finale të ribaundeve.

Ky ishte edicioni i 3-të i Nba Cup, që më parë ishte fituar nga Los Angeles Lakers dhe Milwaukee Bucks, respektivisht në 2023-shin dhe në 2024-ën. Çdo lojtar i skuadrës fituese do të përfitojë 318.560 dollarë ekstra për trofeun.

Nba cup

New York

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.