Partizani përmbys Flamurtarin në Vlorë

Abissnet Superiore | 8 muaj më parë

Partizani ka arritur një fitore me përmbysje, 2-1 në Vlorë përballë Flamurtarit, në një ndeshje që erdhi për shikuesit në ekranin e RTSH Sport.

Ndeshja nisi mjaft mirë për vlonjatët që kaluan në avantazh me një gol nga distanca të Maksutit. Reagimi i të kuqve u shpërblye në fundin e pjesës së parë kur Sidibe fitoi një 11-metërsh me ndërhyrjen e VAR dhe e ktheu në gol.

Fillimi i pjesës së dytë solli një tjetër gol të Sidibe dhe përmbysjen e Partizanit. Vlonjatët kishin mundësinë të barazonin me një penallti të akorduar me VAR dhe të ekzekutuar nga Marku, por Qirko u tregua i pakalueshëm.

Të kuqtë i gëzohen fitores me përmbysje dhe ngjitjes në kuotën e 36 pikëve, në vendin e pestë, aq sa Dinamo e vendit të katërt. Flamurtari, në vend të fundit me 20 pikë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.