Presidenti i Iranit: Bllokada detare e SHBA-së, zgjatim i operacioneve ushtarake

Botë | 6 muaj më parë

Presidenti i Iranit, Masoud Pezeshkian, ka deklaruar se bllokada detare e vendosur nga Shtetet e Bashkuara në portet iraniane është në fakt një “zgjatim i operacioneve ushtarake” nga Washingtoni, pavarësisht armëpushimit në fuqi mes dy palëve.

“Bota ka dëshmuar tolerancën dhe pajtueshmërinë e Iranit. Ajo që po bëhet nën maskën e një bllokade detare është zgjatim i operacioneve ushtarake kundër një kombi që po paguan çmimin për rezistencën dhe pavarësinë e tij. Vazhdimi i kësaj qasjeje shtypëse është i papranueshëm”, shkroi Pezeshkian në platformën X.

Deklarata e presidentit iranian vjen në një moment tensioni të lartë mes Teheranit dhe Uashingtonit, pavarësisht njoftimeve për armëpushim.

Bllokada detare amerikane po shihet nga zyrtarët iranianë si një veprim armiqësor që cenon ekonominë dhe sovranitetin e vendit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.