Nuk është vetëm Real Madridi që kërkon vazhdimisht goditje të reja, në mënyrë që të mbetet gjithmonë konkurrues me kalimin e kohës. Ekziston edhe një listë e madhe e lojtarëve që përmes agjentëve apo ndërmjetësve të tyre i propozohen drejtpërdrejt klubit spanjoll. Ky është rasti i Virgil van Dijk, qendërmbrojtësi dhe kapiteni i Liverpool, kontrata e të cilit skadon në fund të sezonit.

Lajm i bujshëm, i hapur nga spanjollët e Relevo, shpjegon se agjentët e holandezit 33-vjeçar kanë kontaktuar me drejtuesit madrilen për t’i informuar ata për disponueshmërinë e mbrojtësit për t’u transferuar në fanellën e bardhë duke filluar nga vera e vitit 2025.

Pavarësisht nga nevoja e Carlo Ancelottit për një përforcim në mbrojtje – me Militaon jashtë dhe Alaba të dëmtuar -, propozimi u refuzua nga drejtuesit e Madridit. Arsyeja? Natyrisht nuk ka të bëjë me çmimin, duke qenë se ai do të mbërrinte si lojtar i lirë në qershor. Thjesht nuk përshtatet në profilet që u përgjigjen më mirë nevojave aktuale, për sa i përket moshës dhe kushteve.