Rrëzohet avioni privat në Meksikë, 10 viktima, mes tyre 3 fëmijë

Botë | 11 muaj më parë

Një aeroplan privat është rrëzuar në Meksikën qendrore duke i marrë jetën të gjithë personave në bord.

Dhjetë persona, përfshirë tre fëmijë, besohet se kanë humbur jetën nga rënia e avionit të vogël Cessna Citation 650.

Avioni, me një kapacitet deri në pesëmbëdhjetë pasagjerë, ishte ngritur nga qyteti turistik i Acapulcos dhe po shkonte drejt Tolucës.

Në komunikimin e tij të fundit me kontrollin e trafikut ajror, kapiteni thuhet se tha “po rrëzohemi”.

Dëshmitarët okularë raportuan se kapiteni u përpoq ta ulte avionin në një fushë futbolli, por Cessna u ul papritur, me shpejtësi, përpara se të përplasej në një garazh kamionësh.

Shkaku i rrëzimit është ende i panjohur ndërsa pritet që autoritetet amerikane të marrin pjesë në hetimin e aksidentit.

/rtsh.al/

Avion

meksike

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.