Sektori i veshjeve dhe këpucëve në vështirësi, aktorët e tregut kërkojnë mbështetje nga institucionet

Aktualitet | 7 muaj më parë

Shoqata “Pro-eksport Albania” ka ngritur alarmin për gjendjen e rëndë në sektorin e manifakturës së veshjeve dhe këpucëve, duke e cilësuar situatën dramatike dhe me ndikim të madh social e ekonomik për shkak të mijëra vendeve të punës që mbështet.

“Sektori po përballet me një krizë të paprecedentë këto 30 vite, e shkaktuar nga efekti i kursit të këmbimit, rritja e kostove dhe pa asnjë mbështetje nga ana e qeverisë”, tha Edvin Prence, kryetari i PEA-së.

Ata kanë renditur disa kërkesa që ia kanë drejtuar qeverisë.

“Ajo që është kërkuar është fiksimi i një kursi këmbimi për eksportuesit, e cila është e monitorueshme në kohë reale”, tha Prence.

Sektori paralajmëron se, në mungesë të një reagimi nga institucionet, do të ndërmarrë veprime konkrete për të mbrojtur interesat e tij.

Gazetare: Lusi Përgjegji

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.