Shtetet e Bashkuara të Amerikës kanë bërë të ditur se i kanë kërkuar Izraelit të ushqejë lidhjet me liderin e ri sirian.

Sipas SHBA-së, Izraeli po dëgjon, por nuk është i bindur. Zyrtarët e lartë amerikanë u kanë kërkuar homologëve të tyre izraelitë që të ushqejnë lidhjet me udhëheqësin e ri të Sirisë, ndërsa theksojnë se ky komunikim do të forconte ndikimin e Izraelit në të gjithë zonën.

“Bashkëpunimi dhe kanalet tuaja të komunikimit me al-Julanin do të forcojnë ndikimin e Izraelit në të gjithë zonën. Po flasim për një lider pragmatik që dëshiron të zhvillojë marrëdhënie strategjike me kombet e rajonit”, citon raporti.

Nga ana tjetër, Izraeli ka shpjeguar se po dëgjon atë që thonë amerikanët, por gjithashtu dyshon se al-Julani po luan me SHBA-në dhe komunitetin ndërkombëtar dhe po përpiqet të stabilizojë kontrollin e tij, por nuk i ka ndryshuar realisht pikat e tij.

SHBA, megjithatë, beson se bashkëpunimi mund të ndihmojë për të siguruar që Irani të mos kthehet në Siri, raportojnë mediat izraelite.

/rtsh.al/