Vllaznia ka arritur një fitore 2-1 përballë Elbasanit në ndeshjen e fundit të javës së 24-ët të “Abissnet Superiore”, që erdhi për shikuesit në ekranin e RTSH1.

Në “Loro Boriçi”, në një terren të ndikuar nga reshjet e shumta, kuqeblutë diktuan ritmin e tyre dhe u shpërblyen me një gol të shënuar nga Balaj.

Në pjesën e dytë Elbasani fitoi më shumë terren, kjo dhe për faktin se kuqeblutë i besuan kundërsulmit dhe u munduan të administrojnë avantazhin e arritur në të parën.

Verdheblutë arritën të vendosin barazpeshën 10 minuta para fundt me golin e Boye, por në shtesë vjen goli i fitores për kuqeblutë me protagonist Dodajn për rezultatin përfundimtarë 2-1.

Një fitore e rëndësishme për Vllazninë(48 pikë) përballë një rivali direkt, që sjell një distancë me ndjekësit, konkretisht 5 pikë larg Egnatias. Elbasani mbetet me 42 pikë në vendin e tretë.