Raundi i parë i zgjedhjeve presidenciale në Rumani, të zhvilluara një ditë më parë, kanë nxjerrë në përparësi kandidatin e ekstremit të djathtë Calin Georgescu.

Rezultatet paraprake sollën befasi, ku kandidati i ekstremit të djathtë, pro-rus ka marrë një epërsi ndaj rivalit të tij pro-evropian, Marcel Ciolacu, i cili doli në vendin e dytë.

Me 96% të votave të numëruara, ultranacionalisti Calin Georgescu mori 22%, dhe Marcel Ciolacu, kryeministri aktual, mori 20%, sipas Byrosë Qendrore Zgjedhore.

Georgescu dhe Ciolacu do të përballen mes tyre në një balotazh përfundimtar për Presidencën më 8 dhjetor. Georgescu, i cili nuk i përket asnjë partie, është betuar gjithashtu se do t’i japë fund asaj që ai e quan nënshtrim ndaj Bashkimit Evropian dhe NATO-s, veçanërisht për mbështetjen për Ukrainën.

Presidenti në Rumani ka një rol kryesisht simbolik, por një ndikim të konsiderueshëm në fusha të tilla si politika e jashtme.

/rtsh.al/