Skandali/ Zbulohet emri i futbollistit të Premier League të kërcënuar me pistoletë nga menaxheri

Angli | 12 muaj më parë

Lajmi i bërë publik pak ditë më parë nga “The Sun”, sipas të cilit një lojtar i Premier League është kërcënuar me pistoletë nga një menaxher futbollistësh në rrugët e Londrës është i vërtetë pasi sot BBC ka zbuluar edhe identitetin e viktimës.

Sipas BBC bëhet fjalë për lojtarin e Tottenham, Destiny Udogie. Ky i fundit është kërcënuar nga një menaxher futbollistësh më 6 shtator në Londër.

Deri më tani është mësuar se menaxheri, i cili kuron interesat e një lojtari të kombëtares angleze, ka kërcënuar edhe dikë tjetër.

Policia e Londrës ka bërë me dije se më 8 shtator ka ndaluar një person pas denoncimit të bërë prej lojtarit. Menaxheri, i cili ka arritur që të marrë lirinë me kusht, akuzohet për armëmbajtje pa leje dhe kanosje.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.