Forca e Posaçme Operacionale aksion në Fushë-Kuqe, kapen për llogari të SPAK 2 persona, sekuestrohen armë zjarri

Aktualitet | 11 muaj më parë

Një operacion i zhvilluar nga Drejtoria e Forcës së Posaçme Operacionale, në varësi të Departamentit të Policisë Kriminale, ka çuar në arrestimin e dy personave të shpallur në kërkim për llogari të SPAK.

Gjatë operacionit të finalizuar në zonën e Fushë-Kuqes në Kurbin, sipas informacioneve siguruar nga gazetarja Flutura Tota, mësohet se efektivët kanë lokalizuar dhe kapur dy persona në kërkim, konkretisht Elvin Merlika dhe Alket Xhixha, të cilët dyshohen për përfshirje në veprimtari kriminale.

Në kuadër të kontrolleve, policia ka sekuestruar edhe armë zjarri, të cilat dyshohet se përdoreshin nga të arrestuarit. Armët janë dërguar për ekspertizë, ndërsa materialet hetimore i janë referuar SPAK-ut për veprime të mëtejshme proceduriale.

/rtsh.al/

aksion

forcat operacionale

polici

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.