Në Azteca mori jetë një ndeshje, e cila nuk do të harrohet lehtë prej askujt. Anglia e Thomas Tuchel ia del që të sigurojë kualifikimin në çerekfinale në një ndeshje të vështirë ku përballë kishte të zotët e shtëpisë, të cilët për herë të parë u mposhtën në impiantin mitik.

Ndeshja nisi një orë me vonesë për shkak të kushteve të vështira atmosferike, por ky fakt nuk ndikoi në performancën e lojtarëve, të cilët pas minutave të qeta i dhanë jetë një takimi të zjarrtë.

Dy golat e Jude Bellingham (36′ e 38′) ndezën ndeshjen, e cila u rihap falë një goli të Julián Quiñones (42′).

Pjesa e dytë ofroi edhe më shumë spektakël pasi O’Reilly goditi shtyllën. Kaluan disa minuta dhe formacioni i Thomas Tuchel humbi një lojtar pasi Jarell Quansah ndërhyri me takë në dëm të Jesús Gallardo.

Edhe pse me një lojtar më pak Anglia gjeti edhe golin e tretë falë Kane (60′), i cili ktheu në gol një penallti të fituar nga Gordon. Kapiteni u kthye në protagonist pasi ishte shkaktar i një faulli në zonën e tij pas ndërhyrjes karshi Gutierrez. Raúl Jiménez mori përsipër penalltinë dhe shënoi edhe golin e fundit të takimit që u mbyll 3-2 në favor të ekipit anglez. A.V.