Zjarri del jashtë kontrollit në Madhesh të Matit, evakuohen dy familje

Aktualitet | 2 muaj më parë

Zjarri ka dalë jashtë kontrollit në pyjet e larta të Trodhnës, në Njësinë Administrative Ulëz të Bashkisë Mat, duke rrezikuar banesa dhe stane bagëtish. Për shkak të përhapjes së flakëve, dy familje janë evakuuar nga Policia dhe strukturat e Bashkisë Mat, ndërsa në rrezik ndodhen edhe dy stane bagëtish.

Situata paraqitet problematike për shkak të terrenit dhe përhapjes së flakëve. Ndërkohë, një blegtor, i cili ka në pronësi rreth 100 krerë gjedhë, nuk ka pranuar ta largojë tufën nga zona e rrezikut, pavarësisht situatës së krijuar. Forcat në terren vijojnë përpjekjet për vënien nën kontroll të zjarrit dhe shmangien e përhapjes së tij drejt zonave të banuara.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.