Dy sulme në aeroportin e Riadit, vriten 3 shtetas sauditë, plagosen disa të tjerë

Botë | 1 orë më parë

Autoriteti i Aviacionit Civil të Arabisë Saudite ka bërë me dije se tre qytetarë sauditë kanë humbur jertën si pasojë e dy sulmeve në Aeroportin Ndërkombëtar King Khalid në Riad të Arabisë Saudite.

Disa persona kanë mbetur gjithashtu të plagosur nga këto sulme, ndërsa Autoriteti i Aviacionit Civil ka bërë me dije se të plagosurit janë të kombësive të ndryshme. Ata janë transferuar në spital për të marrë kujdesin e nevojshëm mjekësor.

Autoriteti saudit i transportit ajror sqaroi se sulmi i parë kishte në shënjestër objektet e aeroportit, ndërsa i dyti një aeroplan të Saudi Airlines.

Si pasojë e këtyre sulmeve, operacionet e fluturimit në aeroport janë pezulluar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.