Ana e Malit, potencial të madh në bujqësi pavarësisht sfidave me përmbytjet

Ekonomi | 2 vite më parë

Njësia Administrative Ana e Malit, pjesë e Bashkisë Shkodër ka një potencial të lartë zhvillimi në sektorin e bujqësisë.

Një prej fermerëve më të vjetër të kësaj njësie, Ahmet Sylemani nga fshati Muriqan thekson se ky sektor është një nga dy shtyllat kryesore së bashku me turizmin.

“Është dhe traditë, këtu janë marrë me zarzavate dhe perime. Fryti i shegës dominon më shumë. Vijnë nga qyteti për te blerë gjëra fshati”, tha Sulemani.

Megjithatë, zona është përballur edhe me sfida, si përmbytjet e dhjetorit 2022, ku rreth 2700 hektarë tokë u përmbytën duke ndikuar negativisht në sektorin bujqësor.

Pavarësisht këtyre sfidave, fermerët e Anës së Malit vazhdojnë të punojnë tokat e tyre, duke ruajtur traditat bujqësore të zonës dhe duke kontribuar në ekonominë lokale.

/rtsh.al/

ana e malit

bujqësi

RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.