Fermerët e Jagodinës në Elbasan, kultivimi i lakrës së Brukselit shton fitimet e familjeve fshatare

Ekonomi | 2 vite më parë

Fermerët e fshatit Jagodinë në Elbasan po i gëzohen prodhimit të lakrës së njohur të Brukselit, një kultivar me mjaft interes ekonomik për ta. Ndonëse tregu vendas ende nuk është mësuar me këtë produkt, ai pëlqehet masivisht në tregun e jashtëm. Fermerët shprehen tepër të kënaqur me ecurinë e deritanishme, pasi edhe çmimi ka qenë i arsyeshëm.

Lakra e Brukselit është një bimë e cila kërkon një kohë prej 4 muajsh për të qenë e gatshme për tregun e huaj. Kultivimi i saj kërkon një kujdes të veçantë nga punëtorët që merren me të, ndonëse këta të fundit shpesh mungojnë.

Lakra e Brukselit është një ndër kulturat e reja që fermerët e Elbasanit e kanë kultivuar masivisht, sigurisht duke parë kërkesën e lartë të tregut të jashtëm. Tashmë, pas vjeljes së saj, serat janë duke u përgatitur për kulturat e tjera bujqësore.

/rtsh.al/

elbasan

jagodine

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.