Nis me tensione seanca për buxhetin në Kuvend, opozita nuk lejon kryeministrin Rama të flasë

Politikë | 2 vite më parë

Ka nisur me tensione seanca e kësaj të hënë në Kuvend, ku pritet të diskutohet mbi projektbuxhetin e vitit 2025. Kryeministri Edi Rama mori fjalën në foltore për të parashtruar projektbuxhetin, por u ndërpre disa herë nga opozita.

Për pasojë, pas disa paralajmërimeve ndaj kreut të grupit parlamentar demokrat, Gazment Bardhi, kryeparlamentarja Elisa Spiropali ndërpreu për 5 minuta seancën.

Kjo seancë pritet të jetë maratonë, teksa Partia Demokratike ka depozituar amendamente si ajo e vendosjes së minimumit jetik 200 euro sikundër për trajtimin e minatorëve.

Buxheti i Shtetit është parashikuar të jetë në shifrën e 8.2 miliardë lekëve, niveli më i lartë në historinë e vendit, rreth 4 për qind më i lartë se buxheti i këtij viti dhe i rritur me mbi 20 përqind krahasuar me atë të vitit 2022.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.