Në një kohë kur shumë të rinj janë të ndarë mes qëndrimit në Shqipëri dhe emigrimit, Rasim Iseberi ka zgjedhur të ndërtojë të ardhmen në vendlindjen e tij.

Ai ka vijuar traditën familjare në profesionin e gomisterisë, një aktivitet që babai i tij e nisi që në vitin 1992.

Shërbimi i gomisterisë nuk kufizohet vetëm në pikën e tij të punës. Ai ofron asistencë edhe në rrugë, në çdo orë të ditës, ndërsa thotë se vlerësimi më i madh për të mbetet mirënjohja dhe falënderimet e klientëve.

Rasimi ka edhe një mesazh për të rinjtëtë orientohen drejt profesioneve që kanë kërkesë në tregun e punës, të investojnë te vetja dhe të ndërtojnë të ardhmen në vendin e tyre.

“Do t’ju kisha thënë të gjithë të rinjve të merren me shkolla profesionale, sepse kanë një zanat. S’ka gjë më të mirë sesa të kesh një punë dhe të jesh pranë familjes, pranë njerëzve të dashur”, tha ai.

Raste si ai i Rasim Iseberit tregojnë se me punë, përkushtim dhe investim në profesion mund të ndërtohet një e ardhme e sigurt edhe në vendlindje

Gazetar: D. Shehu

/rtsh.al/