Prej 2 ditësh i bllokuar, hapet për qarkullimin e mjeteve aksi Suhë–Poliçan në bashkinë Libohove

Aktualitet | 11 muaj më parë

Aksi rrugor Suhë–Poliçan në bashkinë e Libohovës, i cili ishte bllokuar për shkak të rrëshqitjeve të dheut nga moti i keq, është hapur për qarkullimin e automjeteve.

Prej dy ditësh, segmenti në vendin e njohur si “Shkëmbi i Dallëndyshes” kishte mbetur i pakalueshëm, duke krijuar vështirësi për banorët e zonës. Pas ndërhyrjes dhe punimeve në terren, qarkullimi është rikthyer.

Reshjet e dendura të shiut kanë shkaktuar një sërë problematikash në qarkun e Gjirokastrës. Në Dropull, ura që lidh aksin rrugor kombëtar me fshatrat Glinë, Peshkëpi e Poshtme, Peshkëpi e Sipërme dhe Radat, si dhe me fshatin Nepravishtë të bashkisë Libohovë, ka pësuar dëmtim të konsiderueshme.

/rtsh.al/

gjirokaster

libohove

moti i keq

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.