Protesta e së shtunës, Ministria e Shëndetësisë: Të lënduar 37 efektivë, 24 protestues dhe 4 kalimtarë, mes tyre një i mitur

Aktualitet | 60 minuta më parë

Ministria e Shëndetësisë ka publikuar përditësimin mbi situatën e të lënduarve gjatë protestës së zhvilluar të së shtunës, si dhe bilancin e përgjithshëm të pesë ditëve të fundit.

Sipas informacionit të dhënë nga autoritetet shëndetësore, në protestën e së shtunës janë trajtuar gjithsej 65 raste të lënduarish.

Prej tyre, 37 janë punonjës të forcave të rendit, 24 janë protestues, ndërsa 4 janë kalimtarë të rastësishëm, mes të cilëve edhe një i mitur.

Nga këta, 12 persona ndodhen aktualisht të shtruar në Spitalin Universitar të Tiranës, ku po marrin kujdesin e nevojshëm mjekësor.

Gjatë pesë ditëve të fundit numri total i të lënduarve ka arritur në 272 persona. Nga këta, 169 janë punonjës të Policisë së Shtetit, 82 janë protestues dhe 21 janë kalimtarë që kanë pësuar dëmtime gjatë zhvillimit të ngjarjeve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.