Rudina Degjoni merr drejtimin e QSUT, zëvendëson në detyrë Anxhela Paparizon

Sociale | 5 muaj më parë

Rudina Degjoni është prezantuar sot si drejtuesja e re e Qendrës Spitalore Universitare “Nënë Tereza”.

Në njoftimin e institucionit thuhet se Degjoni sjell me vete një kontribut të çmuar në administrimin dhe zhvillimin e shërbimeve spitalore, duke u konsideruar si një profil me eksperiencë të provuar në fushën e menaxhimit shëndetësor.

Ky emërim vjen pas lirimit nga kjo detyrë e Anxhela Paparizo, ndërsa Degjoni ka drejtuar më parë Spitalin Memorial të Fierit që nga hapja e tij.

“Qendra Spitalore Universitare “Nënë Tereza” priti sot Drejtuesen e re të institucionit, znj. Rudina Degjoni. Znj. Degjoni vjen në krye të QSUT pas një eksperience të gjatë në drejtim dhe menaxhim spitalor, duke sjellë me vete një kontribut të çmuar në administrimin dhe zhvillimin e shërbimeve shëndetësore. Ky emërim vjen pas lirimit nga detyra të Drejtoreshës së Përgjithshme znj. Anxhela Paparizo”, thuhet në njoftimin e QSUT.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.