Në bregdetin e Shëngjinit, nga turistë të huaj dhe shqiptarët e Kosovës, rritet trendi i blerjeve të banesave private. Si në pallatet e përfunduara dhe ato që janë në proces afër 1000 apartamente banimi janë blerë vetëm nga shqiptarët Kosovës, të cilët për kushtet e mira që ofron plazhi i Shëngjinit nuk e ndërrojnë atë me asnjë plazh tjetër.

Blerjet po shtohen dhe statistikat nga shitjet zyrtare dhe ato noteriale tregojnë për afër 2000 apartamente banimi të blera vitet e fundit në këtë bregdet. Sipas drejtorit të turizmit pranë bashkisë Lezhë, Renaldo Xhanej, krahas blerjeve nga bashkëkombësit tanë nga Kosova, konstatohen prenotime e blerje të shumta të apartamenteve të banimit edhe nga turistë polak, çek dhe italian.

“Ne shikojmë që trendët janë në rritje edhe blerjet janë të shumta ku përqindjen më të lartë e zënë shqiptarët e Kosovë, por edhe polak, cek dhe italian”, u shpreh Renaldo Xhanej,  Drejtori i Turizmit, Bashkia Lezhë.

Pastërtia, rregulli, qetësia publike, kulinaria e pasur dhe rritja e standardit kanë shtuar së tepërmi interesin e shqiptarëve nga Kosova dhe turistëve të huaj për të pasur dhe një shtëpi pushimi në bregdetin e preferuar të Shëngjinit.

/RTSH/