Numri 1 në botë do të vazhdojë terapinë muajt e ardhshëm, duke humbur kështu turnetë e 2026-ës. Italiani do të kthehet në aktivitet në Australian Open, në 2027-ën.

Viti 2026 ka përfuduar për Jannik Sinner me fitoren e madhe të Wimbledon, më 12 korrik. Numri 1 në renditjen botërore ka zgjedhur që të vazhdojë terapinë konservative të gjurit të djathtë, që e shqetëson prej më shumë se 3 muajsh. Ai do të kthehet në 2027-ën.

“Unë, bashkë me doktorët, kemi vendosur që gjuri im ka nevojë për terapi dhe kjo do të thotë se 2026-a për mua ka përfunduar zyrtarisht. Mbyllja e sezoneve të fundit, veçanërisht në Torino, më ka dhuruar emocione të mëdha.

Këtë vit do të jetë ndryshe, duke parë që duhet të mendoj për karrierën time në një afat më të gjatë. Do të bëj gjithçka që është e mundur që të kthehem në 100%. Ju falënderoj për mbështetjen dhe shpresoj të shihemi sa më shpejt në fushë”, – është mesazhi i Sinner në rrjetet sociale.