Mbahet sot në Bruksel raundi i ri i dialogut Kosovë-Serbi

Rajon | 2 vite më parë

Do të mbahet këtë të martë (17 dhjetor) raundi i ri i bisedimeve mes Beogradit dhe Prishtinës.

Kryenegociatori i Kosovës dhe Beogradit, Besnik Bislimi dhe Petar Petkoviq do të takohen në Bruksel për të vijuar diskutimet për gjetjen e një rruge për normalizimin e marrëdhënieve mes dy vendeve.

Në takim, ashtu sikurse ka bërë me dije më herët zëdhënësja e Komisionit Evropian, Anita Hiper, do të diskutohen një sërë çështjesh, duke përfshirë zbatimin e Marrëveshjes për rrugën drejt normalizimit të marrëdhënieve.

Së fundi, i pyetur se çfarë pret nga vazhdimi i dialogut, Petkoviq tha se nuk varet absolutisht nga Beogradi dhe se delegacioni serb çdo herë shkon i përgatitur për bisedime për të arritur një zgjidhje kompromisi dhe për të ruajtur popullin serb në Kosovë , kryesisht përmes formimit të Bashkësisë së Komunës Serbe.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.