Aksident në Fier, vetura përplas një çiklist pranë shkollës “Janaq Kilica”

Aktualitet | 2 muaj më parë

Një aksident rrugor ka ndodhur pak minuta më parë në lagjen “Kastriot” të qytetit të Fierit, pranë shkollës 9-vjeçare “Janaq Kilica”, ku një automjet është përplasur me një person që lëvizte me biçikletë.

Menjëherë pas marrjes së njoftimit, shërbimet e Policisë kanë mbërritur në vendngjarje, ku kanë konstatuar automjetin e përfshirë në ngjarje, të tipit “Benz”, i cili drejtohej nga shtetasi me inicialet E. B.

Drejtuesi i biçikletës është marrë menjëherë nga ekipet e urgjencës mjekësore dhe është transportuar drejt spitalit për të marrë ndihmën e nevojshme shëndetësore. Sipas të dhënave paraprake nga vendngjarja, i dëmtuari mësohet të jetë jashtë rrezikut për jetën.

Ndërkohë, grupi hetimor dhe shërbimet e policisë po vijojnë veprimet intensive në terren për të zbardhur rrethanat dhe shkaqet e plota të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.